tarikat.org1Âşık isen cân ile gel sevme sen evlâdını Hasbeten li’llâh içün terk eyle sen ensâbını Fâni kıl ol dost içün eğnindeki esbâbını Hayli işdir ol kişi terk eylemek mu‘tâdını
2Tâlib-i dîzâr isen etdim nasîhat ben sana Eğri bakma doğru bak li’llâh içün gel sen bana Lâyık olan bu-y-imiş arz etdiğim tevhîd sana Hayli işdir ol kişi terk eylemek mu‘tâdını
3“Lâ” deme zinhâr sakın ilhâm-ı Hak’dır sözümüz Şübhesiz yokdur bizim sâfî mücerred özümüz Hâlık’ı zikr eylemekdir alnımızda yazımız Hayli işdir ol kişi terk eylemek mu‘tâdını
4On sekiz bin âlemin içindeki vahdet budur Vahdetin içindeki ma‘nâdaki vuslat budur Dilimin şerh etdiği zâtındaki sohbet budur Hayli işdir ol kişi terk eylemek mu‘tâdını
5Enbiyâdan evliyâdan bunu sana söyleyen İsm-i zâtdır gönlümüzü aşk ipine bağlayan Nûr-ı Hakk’ın sevgisidir ciğerimiz dağlayan Hayli işdir ol kişi terk eylemek mu‘tâdını
6Sırr ile etdin nidâ gelsin kabûl eden kişi Tâlib isen görüke kalbinde bu gizli işi Kâl ü kıyl yok arada âşıkların budur düşü Hayli işdir ol kişi terk eylemek mu‘tâdını
7Bu kelâmı söyleyenler cümleden insân imiş Ol Muhammed Mustafâ vechindeki hayrân imiş Vâhib’e gayb ü şehâdet gün gibi ayân imiş Hayli işdir ol kişi terk eylemek mu‘tâdını
8Ârife bu söz yeter lâzım değil çok söylemek Emr-i Hak’dır gayrısın fehm eyledim ketm eylemek Câhile lâzım değil ma‘nâsını bunun demek Hayli işdir ol kişi terk eylemek mu‘tâdını
9Dediler çok söyledin ammâ sana budur cevâb Zâkir olmazsan eğer gönlünde yokdur hiç sevâb Vâhib Ümmî mantıkından yetme mi sana cevâb Hayli işdir ol kişi terk eylemek mu‘tâdını