Ma‘nayı fehm etmeğe tevhîde düşmüş cân gerek Tevhidi fehm etmeğe ummâna düşmüş cân gerek

1Ma‘nayı fehm etmeğe tevhîde düşmüş cân gerek Tevhidi fehm etmeğe ummâna düşmüş cân gerek

2Âlem-i gayb u şehâdet sırrının ilhâmıdır Vechinin zâtındaki seyrâna düşmüş cân gerek

3Aşk-ı deryâ-yı muhîtden âşıka budur cevâb Şakıya bülbül gibi handâna düşmüş cân gerek

4Ârife âr eyleme sor ma‘nadan versin haber Noktayı fehm etmeğe vicdâna düşmüş cân gerek

5Tevhidin ahvâlini fâş eyleme nâdâna sen Açmağa genc-hâneyi irfâna düşmüş cân gerek

6Rü’yetim ta‘bîrinin dinler misin esrârını Zâtını zikr etmeğe îmâna düşmüş cân gerek

7Dâd-ı Hak’dır şübhe yokdur ârifin nutkundaki Tâlib olan dinleye vîrâna düşmüş cân gerek