tarikat.org1Münezzeh zâtın emvâcı ne ma‘nâdır eder peydâ Ne Hâlıkdır ne mahlûkdur haber ver sen neden peydâ
2Fenâ fi’llâh içün söyler bu tevhîdin müsemmâsın Ne aynıdır ne gayrıdır bilir misin neden peydâ
3Bu deryâ-yı muhît söyler işitmemin bu tevhîdi Ene’l-Hak vechinin sırrı dile gelmez neden peydâ
4Cemâlinin kemâlinden hitâb eyler sana cânım Açık gözün denindi gör olur insân neden peydâ
5Bu tevhîdin kemâlinden hitâb eyler sana cânım Ne gevherden mürekkebdir benim rûhum eden peydâ
6Bilen kim bildiren kimdir haber ver sen bu ma‘nâdan Görünmekden münezzehdir benim nutkum eden peydâ
7Yedi deryâ dokuz eflâk içinden söyleyen kimdir Bu insânın kemâlâtı de sen bana neden peydâ
8Ne ma‘nâdır dile gelmez bu tevhîdin müsemmâsı Görünmezden görünür ol de sen bana neden peydâ
9Nihân ilmine ârifsin ne gam yersin Vehâb Ümmî Eyüb’ün âh u zârından haber ver sen neden peydâ
10Nihân ilmi ayân oldu bu tevhîdin kemâlinden ‘Ademden Âdem’e geldi olupdur cümleden peydâ
11Usûlü gel haber ver sen Vehâbî derdimend âciz Ne tutulur ne görülür esen yeller neden peydâ