Biz tarîk-ı Halvetî’yiz arşda seyrân eyleriz Zikr-i Hû’nun ma‘nasından cânı hayrân eyleriz

1Biz tarîk-ı Halvetî’yiz arşda seyrân eyleriz Zikr-i Hû’nun ma‘nasından cânı hayrân eyleriz

2Bu kelâmı biz sana “Kâlû belâ”dan söyleriz109 Tâlibin gönlü evini verd-i handân eyleriz

3Aşk elinden dâimâ nûş eyleriz paymâneyi Bî-nişân u lâ-mekân zâtını pinhân eyleriz

4Geçmişiz dünyâ vü ukbânın gamından bî-gamız Bu vücûdum varını hâk ile yeksân eyleriz

5Tâlib isen ben sana verdim haber hakka’l-yakîn Cân içinde cân ile sultânı seyrân eyleriz

6Hikmet ile söyleriz biz bu kelâmın ma‘nasın Ehl-i derdin derdine gel sâfi dermân eyleriz

7Aklın ermez zâhidâ beş vakt namâzın kıl yürü Katrede pinhân olan ummânı seyrân eyleriz

8Dinleyin âşıklara budur duâsı Vâhib’in Behremend olsun diye nihânı ayân eyleriz