Âşık-ı bî-çârenin derdine dermândır Alî Sâdık-ı bî-çârenin nutkunda irfândır Alî

1Âşık-ı bî-çârenin derdine dermândır Alî Sâdık-ı bî-çârenin nutkunda irfândır Alî

2Evliyânın kutbudur akrânı yokdur bir dahi “Lâ” demen vallâhi ben deryâ-yı ummândır Alî

3Hamdülillâh çok şükür Allâhu ekber fazlına Ehline ma‘lûm durur lutf ile ihsândır Alî

4Benden umman ben değilem vasfını zikr eyleyen Tevhidin ma‘nâsının sırrına bürhândır Alî

5“Küntü kenz”in adline mazhar olan söyler bunu Bî-nişân u lâ-mekân sırrında pinhândır Alî

6“Lahmüke lahmî” diye etdi şehâdet Hak Resûl75 Ol Muhammed Mustafâ nûruyla yeksândır Alî

7Dü cihândan fâriğ etdi Vâhib’i tevhîd-i zât Hem velâyet tahtının vechinde sultândır Alî

8Sevgisi hakka’l-yakîn cismimde muhkemdir benim Gizli değil gün gibi rûhumda ayândır Alî

9Sırr-ı ekber kenzinin miftâhıdır Vâhib dahi Söylenir âriflerin dilinde destândır Alî