tarikat.org1Zâhidâ mü’min kulun kalbinde Beytu’llâh var Ben anı seyr eyledim içinde arşu’llâh var
2“Küntü kenz”in kudretinden söylenir bu vâridât Ol makâmı seyr eden tevhîd-i zâtu’llâh var
3Âkil isen dinle gör nûrumdaki güftârı sen Âşıka sırren tecellî eyleyen Allâh var
4Gör ki kimdir her nefes zikr etdiğim günden ayân Ârife seyrân içün bi’llâhi vechu’llâh var
5Tevhide ârif olan gayrı kelâmı söylemez Dinler isen cân ile medh-i Habîbu’llâh var
6Cân gözüyle gördüğüm rûh-ı Muhammed’dir benim Sağ elinde görmüşem hatm-i kelâmu’llâh var
7Hamdülillâh çok şükür erdi hidâyet cânıma Âşıkam ervâhıma aşkdan selâmu’llâh var
8Mürşidim Ahmed yüzünden câna râzın açdı Hak Gam yemen şimden geri zikrimde Bi’smi’llâh var
9Ben değil cânım durur iş bu kelâmı söyleyen Hamdülillâh çok şükür nûr-ı cemâlu’llâh var
10Hürmetine cümle âlem yoğ iken var oldular Dile gelmez söyleyem vechinde sırru’llâh var
11Düşmeyen bilmez bunu ma’nâ-yı mutlakdır bu söz On sekiz bin âlemin içinde seyru’llâh var
12Zâhidin zühdden murâdı nediğin fehm eyledim Vâsıl olmazsın Hak’a gönlünde gayru’llâh var
13“Urvetü’l-vüskâ” içinde kendi hâlim söylerin64 Ma’nasın fehm eyler isen sana eyvallâh var
14Sûretim âdemdir ammâ sîretim insân velî Ma‘nada şâhid budur kalbimde zikru’llâh var
15Akl-ı külden “küntü kenz”in sırrını fâş eyleme Ârif ol miskîn Vehâbî elde bak gümrâh var