Kul isen kullukda ol sen gel beri Allah içün Gayrısından çek elini hasbeten li’llâh içün

1Kul isen kullukda ol sen gel beri Allah içün Gayrısından çek elini hasbeten li’llâh içün

2Hâlık’ı zikr eyle dâim derdine dermân içün Kara donlu Ka‘be’yi yapan Halîlu’llâh içün

3Kendine kadr eyleme insân isen er tevhide Ol Muhammed Mustafâ nûr-ı Habîbu’llâh içün

4Bu günüm yarına kalsın diyüben olma hasîs Cânını eyle fedâ sen “küntü kenz”u’llâh içün

5Geçe gör çün ü çerâdan nefsin ıslâh eyle sen Gök yüzünden yerlere inen Kelâmu’llâh içün

6Dü cihânın varına verme gönül eyle hazer Kesegör zünnârını tevhîd-i zâtu’llâh içün

7Vâhibî hatm et sözün lâzım değil gayrı kelâm Yokluk olsun meskenin nûr-ı kelâmu’llâh içün