Âh edersem bir nefes kevn ü mekân oda yanar Vâh edersem bir nefes cism ü duhân oda yanar

1Âh edersem bir nefes kevn ü mekân oda yanar Vâh edersem bir nefes cism ü duhân oda yanar

2Nakşımın nakkâşıdır kalbimde zikrim her nefes “Hû” der isem bir nefes fânî zebân oda yanar

3Zikr ü tevhîd olmayan bilmez bu sırrın nediğin Fedâ kılan cismini cân ü cihân oda yanar

4Cennetü’l-firdevs-i a‘lâ âşıka mesken değil Döyemez aşk oduna hur-ı cinân oda yanar

5Zâhid eydin gelmesin “ânestü nâran” seyrine9 Zühd ü takvâ-yı amel Hû’da hemân oda yanar

6Hızr elinden içdi cân âb-ı hayâtın cür‘asın Ârif anlar nediğin zann ü gümân oda yanar

7Kâl ü kıyle bağlanıp âfâka bakmaz ehl-i hâl Vâhib’in zikrinde ol zann ü gümân oda yanar

8Vâhibî aldanmadı zühd ehlinin ferdâsına Tevhidin nârında ol gayr-ı dumân oda yanar

9Ânestü nâran: Ben bir ateş gördüm. Taha/10.