Bu tabiat zulmetinden bulmak istersen halâs,

1Bu tabiat zulmetinden bulmak istersen halâs,

2Gel riyâzetle arıt bu cism u cânı çün rasâs

3Nice mecruh eylediyse rûhunu emmâre nefs,

4Sen de gürz-i zikrile dön başına eyle kısâs.

5Her ne vaktin gâlip olsa kes gıdâsın zâlimin,

6Gece gündüz cünne-i tevhidi kıl sana menâs.

7Uzlet-i halk ihtiyâr et sen sana gel ey gönül,

8Tâ bulasın uzletiyle Hakk katında ihtisâs.

9Ey Niyâzî bu riyâzât yoluna kim gittiyse,

10Buldular şol zevki kim buldu anı ancak havâs