Aç gözün dildâra bak ref oldu yüzünden nikâb,

1Aç gözün dildâra bak ref oldu yüzünden nikâb,

2Zulmeti sürdü çıkardı ara yerden âfitâb.

3Şol "sakâhüm Rabbühüm" hamrın lebinden içegör,

4Katresin nûş eyleyen uşşâk ebed görmez azâb.

5Otuz iki harfi bildin dört kitâbın aslıdır,

6Safha-i vechinde yazılmış kamû bî-irtiyâb.

7Mekteb-i irfâna gir oku bu ilmin aslını

8Gör ki nice derc oluptur bu ilimde dört kitap.

9Her ne okursan çün otuzikiden taşra değil,

10Yüzünün metnini şerh eder okuyan fasl-ü bâb.

11Her ne söz kim söylenür âlemde Türki yâ Arab,

12Tut kulağın kim sanadır cümle dillerden hitâb.

13Her ne kim görür gözün andan cemâl-i yâre bak,

14Çünkü gitti ey Niyâzî kalmadı asla hicâb.