Elâ ey sâ’il-i mürşid nazar kıl gel bu eşyayı

1Elâ ey sâ’il-i mürşid nazar kıl gel bu eşyayı

2Kelâm-ı Hakk’ı gel gûş it bu eşya üzre manâyı

3Nefis rûh Âdem ü Havva hakâyık andadır hâlâ

4Merâtib Sidre vü Tûbâ sıfat bil Arş-ı âlâyı

5Sıfât u zâtıdur ilmeyn vücûdı Mecmâül-bahreyn

6Velayet nûr-ı Zülkarneyn çü akleyn Hızr u Mûsa’yı

7Çü esma merkez-i ednâ müsemmâ devre-i kübrâ

8Bu âlem halka-i vustâ çü nâsût bil bu suğrâyı

9Çü Muhyî ism-i âzâmdır hem İsâ rûh-ı sultândur

10Nefis Meryem yem irfândır nefahtü dürr-i yektayı

11Vücûdun Mısrî’dir Ken’ân hakâyık kaplamış el’ân

12Bu gündür manevî ey cân hakâyık seb-i kurrâyı