Hamr-ı rûy-i yâr ile sekrân olan anlar bizi,

1Hamr-ı rûy-i yâr ile sekrân olan anlar bizi,

2Katresin bahr eyleyip ummân olan anlar bizi.

3Câhil anlamaz zevil-irfân olan anlar bizi,

4Vâkıf-ı esrâr olup hayrân olan anlar bizi.

5Anlamaz hayvân olan, insân olan anlar bizi,

6Halkın artık eksiğine keylimiz yoktur bizim.

7Kimseye tâ’netmeğe hiç dilimiz yoktur bizim,

8Lâ-mekândan gelmişiz bir ilimiz yoktur bizim,

9Bu fenâ gülzâra hergiz meylimiz yoktur bizim,

10Her seher bülbül gibi nâlân olan anlar bizi.

11Sırr-ı vasl-ı yâri yol azanlara açılmazız,

12Biz hakikat şemsiyiz revzenlere açılmazız,

13Biz ricâl esrârını şol zenlere açılmazız,

14Zâhid-i leffâf olan reh-zenlere açılmazız,

15Açılup güller gibi handân olan anlar bizi.

16Sanmanız zâhid gibi havf u recâ abdâlıyız,

17Geçmişiz andan şehâ bezm-i likâ abdâlıyız,

18Tekye-i iklîmi lâhûtta bekâ abdâlıyız,

19Baş açık yalın ayak râh-ı fenâ abdâlıyız,

20Ref’edip ten cübbesin üryân olan anlar bizi.

21Mısriyâ şehr-i fenâya uğradı râhım bugün,

22Şems-i rûy-i yâr ile bedr oldu çün mâhım bugün,

23Kuluna rahmeyleyip kıldı nazar şâhım bugün,

24Lî-maallâh sırrına mahremdir İbrâhim bugün,

25Ol sarây-ı vahdete mihmân olan anlar bizi.