Kalbini bâğ-ı cinân et ravza-i tevhid ile

1Kalbini bâğ-ı cinân et ravza-i tevhid ile

2Can dimâğın kıl muattar nefha-i tevhid ile.

3Kâbe-i nûr-i siyâhın bî-nihâyet yolları,

4Kat’eder erbâb-ı aşk bir lemha-i tevhid ile.

5Her ne denlü rû siyâh ettiyse isyânın seni,

6Ağarır bî-şek yüzün bu garra-i tevhid ile.

7Mâ-verâ-i ins ü cinni seyredip arşa çıkar,

8Kim ki mi’râç eylediyse cezbe-i tevhid ile.

9Ey Niyâzî Ârif-i billâh gönülden selb eder,

10Onsekizbin perdeyi bir lem’a i tevhid ile.