Âdetim budur ezelden kevnde bir ş’en olurum,

1Âdetim budur ezelden kevnde bir ş’en olurum,

2Dirilip gâh cem olup gâhî perîşân olurum.

3Bu cihânın halkına bir bir yolum uğrar benim,

4Cem edip bunca kumaşı bir bedestân olurum.

5Gâh sehâb u gâh matar gâhî doluyum gâhî kar,

6Gâh nebat u gâhî hayvân gâhi insân olurum.

7Gâh Nasârâ gâh Yahûdî gâhî Tersân gâh Mecûs,

8Gâhî Şia gâh olur Sünnî Müselmân olurum.

9Gâhî âbid gâhî zâhid gâhi fiska düşerim,

10Gâhi ârif gâhi ma’ruf gâhi irfân olurum.

11Gâh olur bakır, kalay u gâh olur altun gümüş,

12Gâh olur âlemde her ma’denlere kân olurum.

13Gâh olur, benden hakîr hiç kimse olmaz dünyada,

14Gâhî Kâftan Kâf’a hükmeden Süleymân olurum.

15Nâ’l tırnak arasından yerim gâh dar olur,

16Gâhı Arş’u Kürsî’den yek âlî meydân olurum.

17Gâh olur bu harmân-ı âlemde ben bir dâneyim,

18Gâh kamûyu câmî olmuş ulu harmân olurum.

19Gâh olur mevcûd mâ’dum gâh vücûdi ile âdem,

20Gâh tecelliyle ayân u gâhı pinhân olurum.

21Gâhî Dünya gâhî ukbâ gâhî mahşer gâh sırât,

22Gâhî berzah gâhî cennet gâhî nirân olurum.

23Gâhî Mâlik gâhî âteş gâhî zakkum gâh cahîm,

24Gâhî hûrî gâhî gılmân gâhî rıdvân olurum.

25Gâhî zerre gâh güneş gâhî kamer gâhî nucûm,

26Gâhî arz u gâh semâ gâh Arş-ı Rahmân olurum.

27Bunca sûretler libâsın gâh birbir giyerim,

28Gâh soyunup cümlesinden şöyle üryân olurum.

29Şimdi kesrette olan Âdem Niyâzî söylenir,

30Âlem-i vahdet içinde sırr-ı Yezdân olurum.