Salik-i rah-ı hakikat aşka eyler iktida.

1Salik-i rah-ı hakikat aşka eyler iktida.

2Cümle eşyaya birer hâlet konulmuştur müdâm,

3Birbirinden bazı nakıs bazın isti’dadı tam.

4Meşreb-i alâ olan neş’e nedir hâsıl kelâm,

5"Aşktır ol neş’e-i kâmil kim andandır müdâm.

6Meyde teşvir-i hararet neyde te’sir-i sada."

7Gülşen-i vahdet çü kalb-i emr-i râm-ı aşktır,

8Lezzet-i vuslat heman ancak merâm-ı aşktır.

9Terk-i kevneyn eyleyen mest-i müdâm-ı aşktır,

10"Vadi-i hayret hakikatta makam-ı aşktır.

11Çün müşahhas olmaz ol vadide sultandan geda."

12Arifin aşk-ı ilâhîden yeğ olmaz hemdemi,

13Nuş edip sahba-yı zatı can olur her bir demi.

14Mazhar ana ayn-i zâhir görünür gider gamı,

15"Eylemez halvet sarayı sırr-ı vahdet mahremi.

16Aşıkı ma’şukdan, ma’şuku aşıktan cüda."

17Ehl-i Hakk olmak dilersen zerk-i taat terkin et,

18İçini saf eyleyigör var kıyafet terkin et.

19Pend-i guş eyle basiretle sefahet terkin et,

20"Ey ki ehl-i aşka söylersen melâmet terkin et.

21Söyle kim mümkün müdür tağyir takdir-i Hüdâ."

22Varlığın mahvetmek oldu ayin-i erkân sadıka,

23Kalbini yakmak gerek anın demadem bârika.

24Âşık oldur gitmeye her dem başından saika,

25"Aşk kilki çekti hat levh vücud-i aşıka.

26Kim ola sabit Hakk isbatında nefyi mâada."

27Ey Niyazi ibtidasız zevk buldun aşktan,

28Yârin isbatında (La) sız zevk buldun aşktan.

29Daim-ü bâki fenasız zevk buldun aşktan,

30"Ey Fuzuli intihâsız zevk buldun aşktan.

31Böyledir her iş ki Hakk adıyla ola ibtidâ."