‘Işk erinün gönli tolu pâdişâhun haznesidür ‘Işksuz âdem ne anlasun şerî'atun ma'nîsidür

1‘Işk erinün gönli tolu pâdişâhun haznesidür ‘Işksuz âdem ne anlasun şerî'atun ma'nîsidür

2‘Işkdur ‘âşıklar dermânı ‘ışkdan hâsıldur murâdı ‘Âşık kişinün sohbeti ‘ışksuz kişiye belâdur

3Kimi ‘avret oglan sever kimi mülk-hânumân sever Kim ser-mâye dükkân sever bu dünye hâlden hâledür

4‘Âşık bu dünyâyı n'ider ‘âkıbet bir gün terk ider ‘Işk etegin dutmış gider her kim gelürse saladur

5Bezm-i ezel'de pâdişâh elüme sundı bir kadeh İçeliden kıluram âh bilmezem ki ne belâdur

6Çün ezelden Yûnus senün ‘ışkıla esridi cânun Dergâhına her dem anun vâlih ü hayrân kala dur