Niçe yıllar ‘ömür sürdüm Anca aglayuban güldüm İşde ecel sana geldüm Esenledüm dünyâm seni

1Niçe yıllar ‘ömür sürdüm Anca aglayuban güldüm İşde ecel sana geldüm Esenledüm dünyâm seni

2Sürdüm ‘ömrümi geçürdüm Cânum Hazret'e uçurdum Ecel şerbetin içürdüm Esenledüm dünyâm seni

3Yürüridüm sag selâmet Takdîr eyledi melâmet Ecel kıldı hoş melâmet Esenledüm dünyâm seni

4Gelen geçermiş n'idelüm Gelün âhrete gidelüm Bu fenâyı terk idelüm Esenledüm dünyâm seni

5Hayr u şer itdügün işler Ol görinen dürlü düşler Bitdi bu kamu teşvîşler Esenledüm dünyâm seni

6Dün ü gün iderdüm zikir Zikir kılurıdum Hakk'a şükür Ecel irdi bizi okur Esenledüm dünyâm seni

7Ben bir dervîşidüm dostum Hak'dan yana oldı kasdum Ecel tuzagına basdum Esenledüm dünyâm seni

8Yârânlarum kardaşlarum Hakk'a lâyık yoldaşlarum Esen kalsun râzdaşlarum Esenledüm dünyâm seni

9İy Yûnus Emre bî-çâre Özün dutgıl togru yâre Ölüme yogımış çâre Esenledüm dünyâm seni