Zihî deryâ ki katreden görindi Ne deryâdur ne katredür gör indi

1Zihî deryâ ki katreden görindi Ne deryâdur ne katredür gör indi

2‘Aceb katre ki deryâ anda mahfî Bu mahfî sırrı sen senden sor indi

3Murâdı on sekiz bin ‘âlemün sen Bu gaflet pes sana sendendür indi

4Sana gel sen seni sende bulıgör Sana bak sendeki bil kimdür indi

5Fenâ ol kim bulasın zevk-i vuslat Bu sözüm düş midür sana yor indi

6Hicâb-ı nûr u zulmet külli sende Niçe sen sen niçe ben ben tur indi

7Sana senden yakındur aşrı tap bak Yoran mülkine sultân ol yor indi

8Asılda ‘âşık u ma‘şûk u ‘ışk bir Bu birden gerçi kim yüz bin görindi

9Eger âyîne bin olsa bakan bir Gören bir görinen bin bin görindi

10Saladur kime gark olmak dilerse Yûnus bu bahre gavvâs ol gir indi