Bir sâkîden içdük şarâb ‘Arş'dan yüce meyhânesi Ol sâkînün mestleriyüz cânlar anun peymânesi

1Bir sâkîden içdük şarâb ‘Arş'dan yüce meyhânesi Ol sâkînün mestleriyüz cânlar anun peymânesi

2Bir meclisdür meclisümüz anda ciger kebâb olur Bir şem‘adur anda yanar ay u güneş pervânesi

3Ol şem‘a karşu yananun küllî vücûdı nûr olur Ol od bu oda benzemez hîç belürmez zebânesi

4Ol meclisün ‘âşıkları İbrâhîm Edhem'dür biri Belh şehri gibi bin ola her gûşede vîrânesi

5Bizüm meclis mestlerinün demleri Ene'l-Hak olur Bin Hallâc-ı Mansûr gibi en kemîne dîvânesi

6‘Işk şarâbın içenlere gel bir nazar eyleyi gör Bunca yıldur niçe döner ol meclisün piyâlesi

7Yûnus bu sözlerün senün ma‘nî durur bilenlere ‘Âkil-kâmil olan kişi bu ma‘nîye inanası