tarikat.org1Andan berü kim ‘ışkun benümle yoldaş oldı Rahmân yolına beni göstermege baş oldı
2Cânum üzere turdı Rahmân çerisin dirdi Şeytân ilini urdı key yagmâ tarâş oldı
3‘Işk nefs iline akdı ne buldıyısa yakdı Kibir kal‘asın yıkdı anda çok savaş oldı
4Dost yüzin ‘ıyân gördüm sır haberlerin sordum Didi gizlü bilmezsin uş söyledüm fâş oldı
5Nefs ili oldı harâb kibr ayaklarda türâb Gitdi perde vü hicâb dost gözüme tuş oldı
6‘Işk oldı elüm benüm gösterdi togrı yolum Hakk'a şükür kim hâlüm bayagıdan hoş oldı
7Anlar ki göz açdılar bu dünyeden geçdiler Bekâya ulaşdılar menzilleri ‘Arş oldı
8Bunlar bunda kaldılar dünyeye aldandılar Yalancılar oldılar hep bunlar kolmaş oldı
9Ölenler hâlin bilmez göz açup ögin dirmez Miskîn Yûnus Emre'nün meger bagrı baş oldı