Menzili ırak bu yolun bu yola kim varası Müşkili çok bu hâlün bunı kim başarası

1Menzili ırak bu yolun bu yola kim varası Müşkili çok bu hâlün bunı kim başarası

2Bu yola yarak gerek eksük gerek çok gerek Key demür yürek gerek bu sarp yola giresi

3Îmân aldaguçları bilün çokdur bu yolda Nefsine uyanlarun gitmez yüzi karası

4Yitmiş bin riyâ çeri vardur bu yolda bilün Nefs öldürmiş er gerek ol çeriyi kırası

5Togrulık mancınıgı istigfâr taşıyıla Togru vardı atıldı yıkıldı nefs kal‘ası

6Kimde kim togrulık var bilgil kim öldürür ‘âr İki cihâna yarar girçek er ser-mâyesi

7İnce Sırât köprüsi genez imiş bu yolda Dosta giden kişinün togrulıkdur çâresi

8Yûnus imdi saladur gel gidelüm yoklıga Göz eger lâyıkısa Hak dîdârın göresi