YÛNUS EMRE DÎVÂNI · 373

İşidün iy yârânlar Eve dervîşler geldi Cân şükrâne virelüm Eve dervîşler geldi

Metin ve neşir kaydı

Düzeltilmiş okuma

Ayrı bir düzeltilmiş okuma kaydı henüz yok. Gösterilen kaynak aktarımı onaylanmış düzeltme değildir.

1İşidün iy yârânlar Eve dervîşler geldi Cân şükrâne virelüm Eve dervîşler geldi

2Her kim gördi yüzini İndürür kendözini İlm-i bâtından öter Eve dervîşler geldi

3Dervîşler uçar kuşlar Deniz kenârın kışlar Zihî devletlü başlar Eve dervîşler geldi

4Dervîşler yüzi sulu Görenler olur delü Bâtını ‘Arş'dan ulu Eve dervîşler geldi

5Seydî Balum ilinden Şeker tamar dilinden Dost bâgçesi yolından Eve dervîşler geldi

6Yûnus kulun ögürsüz Kimsesi yok yalunuz Fidî olsun cânumuz Eve dervîşler geldi