tarikat.org1Ben bende seyr ideriken ‘aceb sırra irdüm ahî Bir siz dahı siz de görün dostı bende gördüm ahî
2Bende bakdum bende gördüm benümile ben olanı Sûretüme cân olanı kimdügini bildüm ahî
3Ben istedüm buldum anı ol ben isem yâ ben kanı Seçemedüm andan beni bir kezden ol oldum ahî
4Sûret toprakdur diyeni gönlüm kabûl itmez anı Bu topragun cevherini Hazret'e irgürdüm ahî
5Münkir kişi tuymaz anı dertlülerün sizer cânı Ben dost bâgı bülbüliyem ol bâgçeden geldüm ahî
6Ma‘şûk bizümledür bile ayru degül kıldan kıla Uzak sefer bizden kala dostı yakın buldum ahî
7Degme bir yol kandan bana tagılmayam degme yana Kutlu oldı bu seferüm hoş menzile irdüm ahî
8Mansûr'ıdum ben ol zamân uş yine geldüm bunda ben Yak külümi savur yile ben Ene'l-Hak didüm ahî
9Ne oda yanam dagılam ne dâra çıkam bogılam İşüm bitince yüriyem teferrüce geldüm ahî
10Mun‘im oldum yoksul iken benüm oldı kevn ü mekân Şarka vü garba ser-te-ser yire göge toldum ahî
11Nitekim ben beni bildüm diledügüm Hakk'ı buldum Korkum anı buluncadı korkıdan kurtuldum ahî
12Yûnus kim öldürür seni viren alur gine cânı Bu cânlara hükm ideni kim idügin bildüm ahî