tarikat.org1Ol Çalab'umun ‘ışkı bagrumı baş eyledi Aldı benüm gönlümi sırrumı fâş eyledi
2Hergiz gitmez gözümden hîç eksilmez dilümden Çalap kendü nûrını gözüme tuş eyledi
3Cân gözi anı gördi dil andan haber virdi Cân içinde oturdı gönlümi ‘Arş eyledi
4Bir kadeh sundı câna cân içdi kana kana Tolu geldi peymâne cânum serhoş eyledi
5Esrük oldı cânumuz dür döker lisânumuz Ol Çalab'umun ‘ışkı beni dervîş eyledi
6Cânda yanar çerâgı gönüllerde turagı Gönül dahı cân dahı ‘ışkıla cûş eyledi
7Ben kaçan dervîş olam ya Hakk'a kulam diyem Yüz bin benüm gibiyi ‘ışk hırka-pûş eyledi
8Yûnus imdi avınur dostı görüp sevinür Erenler mahfilinde ‘ışkı cünbiş eyledi