Bir ay gördüm bu gice kamu burclardan yüce Esritdi gönlüm cânum bilmezem hâlüm niçe

1Bir ay gördüm bu gice kamu burclardan yüce Esritdi gönlüm cânum bilmezem hâlüm niçe

2Nûr Muhammed nûrıdur Halîlu'llâh sırrıdur Sanasın kim açıldı Uçmak'dan bir deriçe

3Ol ayun şu‘lesinden ‘âlem münevver oldı Gönlümdeki çerâgı uyardı ulu hoca

4Müdde‘î bizi görmez gözine girersevüz Gerekse yüz kez varsun Ka‘be'ye ulu hacca

5‘Âşıklarun yüzinden bellüdür benizinden Her kim ‘âşık olmadı benzer kurı agaca

6Kur'agacı n'iderler kesüp oda yakarlar Bülbüller öticegiz nevbet degmez dürrâca

7Yûnus'ı ögen ögsün sögen Yûnus'a sögsün Keçe suya salupdur ne durur irte gice