Bir şâha kul olmak gerek hergiz ma‘zûl olmaz ola Bir işik yasdanmak gerek kimse elden almaz ola

1Bir şâha kul olmak gerek hergiz ma‘zûl olmaz ola Bir işik yasdanmak gerek kimse elden almaz ola

2Bir kuş olup uçmak gerek bir kenâra geçmek gerek Bir şerbetden içmek gerek içenler ayılmaz ola

3Çevik bahrî olmak gerek bir deryâya dalmak gerek Bir gevher çıkarmak gerek sarrâf anı bilmez ola

4Bir bahçeye girmek gerek hoş teferrüc kılmak gerek Bir güli yıylamak gerek hergiz ol gül solmaz ola

5Kişi ‘âşık olmak gerek ma‘şûkayı bulmak gerek ‘Işk odına yanmak gerek ayruk oda yanmaz ola

6Bir toyı toylamak gerek bir soyı soylamak gerek Bir sözi söylemek gerek kimse anı bilmez ola

7Kişi Hak'ı bilmek gerek Hak haberin almak gerek Zindeyiken ölmek gerek varup anda ölmez ola

8Miskîn Yûnus var dek otur yüzüni Hazret'e götür Tapduklayın bir er getür hîç cihâna gelmez ola