‘Aklum başuma gelmedi ‘ışk şarâbın tatmayınca Kandalıgum bilimedüm girçek ere yitmeyince

1‘Aklum başuma gelmedi ‘ışk şarâbın tatmayınca Kandalıgum bilimedüm girçek ere yitmeyince

2Pes kolayından bir ‘âşık kaçan hâsıla gelür Kimse menzile irmedi er etegin tutmayınca

3‘Âşık gönlinde çok yol var o yolda bin dürlü hâl var Kimse bu yolı anlamaz küfr ü îmân satmayınca

4Çün bülbül ‘âşıkdur güle nazar Hak'dan olur kula Bir keleci gelmez dile gönüllerde bitmeyince

5Var dîn îmân gerek ise diril bu dünyâda eyü Yarın anda bitmez işün bugün bunda bitmeyince

6Bu gönlümdeki râzumı sıgrınmazam size direm ‘Âşıklar nice katlana ‘ışk metâ'ın satmayınca

7Bî-çâre Yûnus'un sözin key ‘âşık gerek anlaya O kuş dilidür n'eylesün ol dinlenmez ötmeyince