tarikat.org1Sübhân bizi uyarısar niçe zamân yatmış iken Cânlar teni isteyiser terk idüben gitmiş iken
2Gör Hâlik'ün ‘inâyetin deryâ-yı bî-nihâyetin Bize dîdâr gösteriser bunca günâh itmiş iken
3Hakk'un ‘inâyeti çokdur irer kullarına dâim Allah Halîl'i sakladı Nemrûd oda atmış iken
4‘İnâyeti kime irse ol kul iken sultân olur İşitmedün mi Yûsuf'ı bâzirgâna satmış iken
5‘Işkıla gelsen yola Yûnus'layın olsan n'ola Tâ‘atini terk itmedi balık anı yutmış iken
6‘Ahdüni eylegil vefâ gönlüni eylegil safâ Kanı Muhammed Mustafâ ‘Arş'a Mi‘râc itmiş iken
7Kan'enbiyâ vü evliyâ geldi geçdi cümle velî Kanı Dâvud u Süleymân Kâf'dan Kâf'a dutmış iken
8Ne kadar çok ise mâlun ecel sana sunar elin Ne assı eyledi Kârûn bu dünyâya batmış iken
9Kulak urgıl benden yana haberüm var diyem sana La‘net kıldı ‘Azâzîl'i ‘Arş'da mekân tutmış iken
10Dostdan belâ gelicegiz Eyyûb'layın sabreylegil Niçe sıhhât buldı teni bunca belâ çekmiş iken
11Anıcaguz şol bir güni ditrer mi Yûnus'un cânı Îmân-Kur'ân yoldaş ile son menzile yitmiş iken