‘Aceb oldı hâlüm bu ‘ışk elinden Göremezem yolum bu ‘ışk elinden

1‘Aceb oldı hâlüm bu ‘ışk elinden Göremezem yolum bu ‘ışk elinden

2Bu cümle ‘âlemün tâcı iken uş Ayaklarda gubâram ‘ışk elinden

3Garîb bülbülleyin zâri kıluram Akar çeşmüm yaşı bu ‘ışk elinden

4Gazel yapraklayın benzüm sarardı Kararuban düşdüm bu ‘ışk elinden

5Yarın mahşerde ben yırtam yakamı Niçe feryâd idem bu ‘ışk elinden

6Tag u taşlar erür bu ‘ışk elinden Denizler cûşa geldi ‘ışk elinden

7Niçe bin enbiyâ ‘ışka giriftâr Yir ü gök toptolu bu ‘ışk elinden

8Çagurup eydeler gel güç görenler Benüm çilem nedür bu ‘ışk elinden

9N'iderem ben yarün vaslından ayruk Büküldi kad-bâlâm bu ‘ışk elinden

10Yûnus sen Tapdug'una kıl du'âyı İçersün zehr-i kâtil ‘ışk elinden