Bunca gönüller alan cihâna sultân mısın Hükmün cânlar içinde cân içinde cân mısın

1Bunca gönüller alan cihâna sultân mısın Hükmün cânlar içinde cân içinde cân mısın

2Nazarun bin cân alur derdün yürekde kalur Gören kendüden varur ‘âşıka kıyan mısın

3Uçan kuşlar uçunur esen yil görse turur Dîvler hükmüne girür Belkîs-Süleymân mısın

4Yüzünden gün tutılur ay togmaya utanur Gören heybete kalur Yûsuf-ı Ken'ân mısın

5Ölü görse dirilür kalıbına cân gelür Toprakdan âvâz gelür ‘Îsâ bin Meryem misin

6‘Işkun dîne şûr eyler arslana zencîr eyler Katı taşı mûm eyler Ferhâd-ı zamân mısın

7‘Işkun Hakk'a irgürür cân gözi dîdâr görür Görenler baş indürür İbrâhîm Edhem misin

8Yüzün dîdâr nûrıdur saçun Mi‘râc dünidür Gören cânın unıdur Fahr-ı ‘âlem sen misin

9Yûnus sevdügün gözle Hak yolını key izle Râzun gönülde gizle sen söze beyân mısın