Dervîşlerün yolına sıdkıla gelen gelsün Hak'dan özge nesneyi gönlinden süren gelsün

1Dervîşlerün yolına sıdkıla gelen gelsün Hak'dan özge nesneyi gönlinden süren gelsün

2Dervîşler didükleri bir dükenmez kân olur Hâs u ‘âm kul u sultân bu kândan alan gelsün

3Dervîş tolınur togar her nefes göge agar Ben diyeyin togrıyı cânına kıyan gelsün

4Dervîşlik bir lokmadur yirile gökden ulu Bu ‘azâmet lokmayı yudup sinüren gelsün

5Dervîşün gözi açuk düni güni uyanık Bu söze Tanrı'm tanuk bakmadın gören gelsün

6Dervîşün kulagı sak Hak'dan işidür sebak Deprenmedin dil-dudak sözi işiden gelsün

7Dervîşün eli uzun çıkarur münkir gözin Şarka garba düp-düzin sunmadın iren gelsün

8Dervîşler Hakk'un dostı cânlarıdur Hak mesti ‘Işk şem‘ini yakdılar pervâne olan gelsün

9Bu miskîn Yûnus'ı gör dervîşlik ide geldi Nefsindendür şikâyet nefsin öldüren gelsün