Zamân geçdi devir döndi Salâdur kudse gidelüm Bu cihâna gelen gitdi Salâdur kudse gidelüm

1Zamân geçdi devir döndi Salâdur kudse gidelüm Bu cihâna gelen gitdi Salâdur kudse gidelüm

2Sâlihler kalmadı gitdi Bu cihânı fesâd tutdı Bu cihânun işi bitdi Salâdur kudse gidelüm

3Şeyâtîn fırsatın buldı Gönül kararuban öldi Eyi dirlik kesâd oldı Salâdur kudse gidelüm

4‘Âlimler okıyup tutmaz Halkı görüben gözetmez Gönüllerde safâ bitmez Salâdur kudse gidelüm

5Emr-i ma‘rûf bu dem kaldı Bid‘at gelüp sünnet öldi Nasîbli nasîbin aldı Salâdur kudse gidelüm

6İ Yûnus sen sözün bilgil Öz hâlüne nazar kılgıl Ölüm gelmezdin ön ölgil Salâdur kudse gidelüm