tarikat.org1Ol Kâdir-i Kün feyekûn lutf idici Sübhân benem Kesmedin rızkını viren cümlelere sultân benem
2Nutfeden Âdem yaradan yumurdadan kuş düreden Kudret dilini söyleyen zikr eyleyen Sübhân benem
3Kimini zâhid eyleyen kimini fâsık eyleyen ‘Ayıblarını örtüci delîlile burhân benem
4Bir kulına atlar virüp ‘avret ü mâl çoklar virüp Hem birinün yok bir pûlı rahm idici Rahmân benem
5Benem ebed benem bekâ ol Kâdir ü Hay mutlaka Hızır ola yarın saka anı kılan Gufrân benem
6Dört dürlü nesneden hâsıl bilün benem uşda delîl Odıla su toprag u yil bünyâd kılan Yezdân benem
7Ete deri sünük çatan ten perdelerini dutan Kudret işüm çokdur benüm hem zâhir ü ‘ıyân benem
8Hem bâtınam hem zâhirem hem evvelem hem âhirem Bu cümlesini yaradup hem tertîbi kılan benem
9Yokdur arada tercemân andagı iş bana ‘ıyân Oldur bana viren lisân ol denize ‘ummân benem
10Bu yiri gögi yaradan bu ‘Arş'ı Kürs'i durudan Bin bir adı vardur Yûnus ol sâhib-i Kur'ân benem