Kanı bana sabr u karâr senün sözüni dinleyem Kanı bana ‘akl u bili tuydurmadın seni sevem

1Kanı bana sabr u karâr senün sözüni dinleyem Kanı bana ‘akl u bili tuydurmadın seni sevem

2Kanı bana ol havsala kim hâlümi bilmeyeler Kanı bana zûr u kuvvet kim senün ‘ışkuna döyem

3Cânum seni seveliden benüm hâlüm hâle döner Kanı bana usûl-i dîn ‘ilmün edebin ögrenem

4‘İzzet ü erkân eyü ad ‘ışk yolına noksân durur Ben n'iderem eyü adı çün terbiyet ‘ışkdan yirem

5Gerçek sana ‘âşıkısam ‘ârlanmaklık nemdür benüm Şükrâne cânumı virem ger melâmet tonın geyem

6Zühd ü tâ‘at usûl-i din ‘ışk haddinden taşra durur Nisbet degüldür ana hem secde vü rükû‘ u kıyâm

7Dost sûreti gözgü durur bakan kendü yüzin görür Gelsün o kendüsüz gelen ben râzumı ana direm

8Cân gözile bakan görür Yûnus gözile gördügin Yohsa yaban gözi ile kimseneye ne söyleyem