Her kancaru dönerisem ‘ışkıladur işüm benüm Oldur gönülde teşvîşüm hem ‘ışkdur yoldaşum benüm

1Her kancaru dönerisem ‘ışkıladur işüm benüm Oldur gönülde teşvîşüm hem ‘ışkdur yoldaşum benüm

2‘Işksuzlara göynür özüm anunçün fâş olur râzum Göricegiz ‘âşıkları kaynar içüm taşum benüm

3Bu ‘ışk bize Rahmânîdür hem cânumuzun cânıdur Anun içün şeytânıla her dem bu savaşum benüm

4Benüm cânum bir kuş durur gevdem anun kafesidür Dostdan haber gelicegiz bir gün uçar kuşum benüm

5Geldüm dünyâyı seyr itdüm ya bugün ya yarın gitdüm Ben bunda eglenimezem bunda bitmez işüm benüm

6Yûnus eydür ben ‘âşıkam hem ‘âşıkam hem sâdıkam Bu ayruk ‘âşıklar gibi yokdur arâyişüm benüm