İy yârânlar tınman bana ben yine n'oldum bilmezem ‘İlm ü ‘amel sorman bana dîvâne oldum bilmezem

1İy yârânlar tınman bana ben yine n'oldum bilmezem ‘İlm ü ‘amel sorman bana dîvâne oldum bilmezem

2Ayruksı nesne tatmışam bildüklerüm unutmışam Cânumı ‘ışka atmışam anda ne buldum bilmezem

3‘Aklum yavı vardı besi tagıldı fikrüm kamusı Boşaldum uş toldum velî neyile toldum bilmezem

4‘Işkun beni yakup durur gönlüm dosta akup durur Divşürimezem ben beni dem-beste kaldum bilmezem

5Ben ‘ışksuzın olımazam ‘ışk olıcak ben ölmezem ‘Işkdur hayâtum hâsılı ‘ışkdan gayrısın bilmezem

6Bu ‘ışk ile bulanugam ne esrügem ne ayıgam Ne uyuram ne uyanugam hayrân u mestüm bilmezem

7Sen beni şeyh oldı diyü benden nasîhat isteme Ben sanuram key bilürem uş şimdi bildüm bilmezem

8‘Âşık Yûnus sen cânunı Hak yolına eyle fidâ Bu şeyhıla buldum Hak'ı ben gayrı nesne bilmezem