tarikat.org1Cümle ‘âlem terkin urup ben dost terkin urımazam Andan ayru buçuk sâ‘at ben ansuzın durımazam
2Andan ayru diriligüm dirlik degül durur benüm Kadîm odur görür beni ben ölüyem görimezem
3Hûrî gelüp eydürise gönül bana virgü diyü Dostdan artuk kimseneye ben gönlümi virimezem
4Dost diyü geçdi bu ‘ömrüm başarmadum dost kullıgın Koyam başara ol beni ben hîç iş başarımazam
5Bir kezden ol oldum ahî benden ümîd yokdur bana Ben olısam pes ol kanı ben bu sırra irimezem
6Dostlar ögüt virür bana gitgil anun yakınından Daha yakın varam meger andan ayruk varımazam
7Degmeler eydür Yûnus'a katlan bugün-yarın diyü Cehd ideyim bugünümi yarına irgürimezem