Eyâ gâfil aç gözüni gönlün yavlak uzatmagıl Bakgıl kendü dirligüne kimse ‘aybın gözetmegil

1Eyâ gâfil aç gözüni gönlün yavlak uzatmagıl Bakgıl kendü dirligüne kimse ‘aybın gözetmegil

2Şöyle dirilgil hulkıla ölicegiz söyleşeler Bâkî dirlik budur cânum yavuz adıla gitmegil

3Bir gün ola bu dünyâyı âhirete degşüresin Dün ü güni kılgıl tâ‘at ayak uzadup yatmagıl

4Gördün ki bir dervîş gelür yüz vur anun kademine Senden şey'ullah idicek kaşun karagun çatmagıl

5Nefse uyup biş parmagun bir kezden iltme agzuna Kes birisin vir miskîne gerek olur unutmagıl

6Söyledügün keleciyi işitdügün gibi söyle Kendözünden zîreklenüp bir kaç söz dahı katmagıl

7Dünyâ çerb ü şîrîn durur âdem gerekdür yiyesi Kem nesneye tama‘ idüp kesüp kemürüp yutmagıl

8Yûnus kim öldürür seni viren alur yine cânı Yarın göresin sen anı er nazarından gitmegil