Kogıl bu dünyâ bezegin bu dünyâ yil durur hayâl Ne vefâ kılısar bize çün pusuda durur zevâl

1Kogıl bu dünyâ bezegin bu dünyâ yil durur hayâl Ne vefâ kılısar bize çün pusuda durur zevâl

2İnanma fânî ‘ömre kim bâkî degüldür sevgüsi Görür iken sultânları koyup giderler mülk ü mâl

3Kes gider ‘izzet başını terk eyle sen fuzûllıgı Kesmezisen başın anun ‘ışkıla dirligün muhâl

4Bunca uzun endîşeler yoldaşımuzıdı bizüm Dost fikretinden artugı bilün ki küllî kıyl u kâl

5Algıl kendü elünile girü kendü hisâbunı Yohsa serhengler elinde katı yaramaz olur hâl

6Zevk u riyâ didükleri boynını urmayınca ben Şâh-ı Kerîm'e sıdkıla kanda bulısaram visâl

7Öldür nefsün dilegini ilet teneşir üstine Yohsa gensüz ölicegez sana fermân olur gassâl

8Her kim sana sorarısa i'tikâdun nedür Hakk'a Öpgil anun ayagını budur ana cevâb su'âl

9Yûnus sana farîzadur işbu Sırât-ı müstakîm İleyünde haşre-neşre Hakke'l-yakîn gerek visâl