Dervîşler gönli safâ hükm ider Kâf'dan Kâf'a İy niçe selâtînler zebûnı dervîşlerün

1Dervîşler gönli safâ hükm ider Kâf'dan Kâf'a İy niçe selâtînler zebûnı dervîşlerün

2Dervîşlerün hâlleri Hak'a gider yolları Arş'da na'lin dönderdi Üveys'i dervîşlerün

3Resûl agdı Mi'râc'a nazar eyledi hoca Görün görün kim niçe vasfını dervîşlerün

4‘Arş'dan döndi Mustafâ anda ashâb-ı safâ Dinledi sözlerini sır sözi dervîşlerün

5Resûl indi tapuya elin urdı kapuya Didiler kimsin ana miskîni dervîşlerün

6Resûl girdi içerü yârenler turdı örü ‘Âşıklar dîdâr gördi visâlin dervîşlerün

7Resûl eydür iy Kayyûm bunlar ‘acâyib kavim Sır denizi kılmışsın gönlini dervîşlerün

8Bunlara benüm didüm bunlara benin didüm Unıtdurdum mâlını gencini dervîşlerün

9Dervîşlik bir pîşedür hırkacugı mîşedür Çok cânavârlar yörür tonında dervîşlerün

10Miskîn Yûnus n'eylesün niçe bir şerh eylesün ‘Âşıkdur kul söylesün vasfını dervîşlerün