tarikat.org1İy su kandan gelürsin vatanun kanda senün Kanda çukur bulursan yatagun anda senün
2Sen yüceden çıkarsın alçak yire akarsın Gönül Hakk'a dutarsın alçak gönlün var senün
3Seni bulut götürür ‘âlemlere yitürür Dürlü çiçek bitürür hoş üstâdun var senün
4Agaçlara varursın köklerinden girürsin Dunı sıra yürürsin uzun elün var senün
5Kandayısa yaş-kurı hîç sensüz olmaz biri Ne ölüsin ne diri hîç tenün yokdur senün
6Kimün denize gider kimün tütüni tüter İsmün disen ne durur hoş bâzârun var senün
7Akup deniz olursın tagılup toz olursın Göllerde sâz olursın yapılan evler senün
8Dünyede cânlu cânsuz olımayalar sensüz Câna cânsın gümânsuz hîç menendün yok senün
9Şimdi Yûnus susadı diler ki senden içe Bir içim bin kızıla nice bahân yok senün