Gel iy dervîşlik isteyen eydem sana n'itmek gerek Şerbetleri elden koyup aguyı nûş itmek gerek

1Gel iy dervîşlik isteyen eydem sana n'itmek gerek Şerbetleri elden koyup aguyı nûş itmek gerek

2Gelmek gerek terbiyete kamu bildüklerin koya Mürebbîsi ne dirise pes ol anı dutmak gerek

3Çeke sabr u kanâ'atı tâze-kârlık ide katı Bu yola vireler iti bu yola yüz tutmak gerek

4Dünyâdan gönlini çeke eli ile arpa eke Unına yarı kül kata güneşde kurutmak gerek

5‘Aceb anı niçe yiye nefsi dilerse yiyleye Kaçan kim iftâr eyleye üç günde bir itmek gerek

6Oldur erenler dirligi bular bilmez ‘ayyârlıgı Anunla bulur erligi kahrı dahı yutmak gerek

7Bakma bu dünyâ yüzine aldanma halkun sözine Dönüp dîdâr arzûsına ol Hakk'a yüz tutmak gerek

8Yûnus bunı kime diye kim kasd ide bir uluya Şâyed birimüz işleye ‘âşıklara itmek gerek