Evvel bize vâcib budur hoş hulkıla ‘amel gerek İslâm adı okınıcak yoldaşumuz îmân gerek

1Evvel bize vâcib budur hoş hulkıla ‘amel gerek İslâm adı okınıcak yoldaşumuz îmân gerek

2İsrâfîl sûrın urıcak cümle mahlûk uyanıcak Sorı hisâb sorılıcak ‘Arab dili lisân gerek

3Gök perdelerin açalar eyü yavuzdan seçeler Ol dem kancaru kaçalar baş kurtarası yir gerek

4Çerge kurup oturalar ser-mâyemüz getüreler Ol siyâset meydânında bu tertîbleri bil gerek

5Çagrışalar ata ana kardaş kardaşdan usana Yalvaralar ol Sübhân'a niyâz kılası er gerek

6Dükelinden bu ‘ışk yakın Yûnus hatâ kılma sakın ‘Işkdan su'âl sorılıcak cevâb viresi hâl gerek