tarikat.org1Müsülmânam diyen kişi şartı nedür bilse gerek Tanrı'nun buyrugın tutup biş vakt namâz kılsa gerek
2Tanla turup başun kaldur ellerüni suya daldur Hem şeytânun boynını ur hem nefs dahı ölse gerek
3Kılurısan tan namâzın Hak'la ola hem niyâzın Âhiretde ‘izz ü nâzun varup anda bulsa gerek
4Öyle namâzın kılasın her ne dilersen bulasın Tamu'dan âzâd olasın kullar âzâd olsa gerek
5Ol ikindiyi kılanlar arı dirlik dirilenler Olardur Hakk'a irenler her dem anlar irse gerek
6Ahşam durur üç farîza tagca günâhun arıda Eyü ‘amellerün sinde şem ü çerâg olsa gerek
7Yatsu namâzına ol hâzır hâzırları sever Kâdir Îmânun eksügin bitür îmân pîş-rev olsa gerek
8Her kim bu sözden almadı biş vakt namâzı kılmadı Bilün müsülmân olmadı ol Tamu'ya girse gerek
9Bildünise cemâ‘ati hâzır olanlar Cennet'i Ger kâhillik kılurısan münâfıkdan olsa gerek
10Görmez misin Mustafâ'yı niçe bekledi vefâyı Ümmetiçün ol safâyı ümmet ana irse gerek
11Beklerisen dîn gayretin virmegil nefse murâdın Yûnus Nebî salâvâtın ‘ışkıla degürse gerek