Kerem ile bir berü bak nikâbı yüzünden bırak Ayun on dördi misün balk urur yüz ü yanak

1Kerem ile bir berü bak nikâbı yüzünden bırak Ayun on dördi misün balk urur yüz ü yanak

2Şol bal agızdan keleci yüz bin şekerden tatludur Söyler olursa bu dilün deprenür olsa ol tudak

3Otuz iki incü bitmiş mercân içinde i cânum Kıymeti a'lâ incüden aklıgı da incüden ak

4Yüzüne karşu bu güneş bir dem gelüben turamaz Gelüp kaşundan kiçi ay her dem okıyalı sebak

5Gören seni pervâne tek niçesi oda düşmesin İki yanadın çün turur ol iki şû'leli çerâk

6‘Işkun selâsilinde zencîre kim ki düşse Âzâdlık istemez ol olsa vücûdı toprak

7Dil niçe vasf itsün hüsnünile hulkunı kim Hüsnüni Hak eylesün yavuz gözlerden ırak

8İşitdüm boyun senün serviden a'lâyımış Dahı gözüm görmedin boyunı sevdi kulak

9Yûnus Hak tecellîsin senün yüzünde gördi Çâre yok ayrılmaga çün sende görindi Hak