tarikat.org1Ben sevdügüm nigârı n'idem ol benden fârig Ne virüp hoş görünem iki cihânda fârig
2Kimden kime varayın ahvâlüm söylemege Sözüm kime diyeyin sözden lisândan fârig
3Cihânda kim giriser bu işün arasına Yâ kim hükm idebile sultân u hândan fârig
4Gerek müsülmân olam bin yıl ‘ibâdet kılam Gerekse kâfir olam küfr ü îmândan fârig
5Gerekse ehl-i millet farîzasın bekleyem Gerekse şöhret kovam şöhret ü dînden fârig
6Gerekse ilm-i dînde yüz bin kez minber depem Gerekse şirk besleyem şirk ü gümândan fârig
7Nice ticâret ile mekseb gösterem ana Şöyle tüvângerdür ol assı-ziyândan fârig
8Niçesi kullıgıla sevibilem ben ana Hâs u ‘âm anı sever cümle sevenden fârig
9Anun gibi ma‘şûka kim gönül virdiyise Bî-‘aded tertîb gerek ol andan bundan fârig
10Yûnus sen severisen hakîkat ma'şûkayı Dervîşligile kül ol kevn ü mekândan fârig