Bu ne dertdür ‘aceb dermân belürmez Ya bu ne yaradur zahmı belürmez

1Bu ne dertdür ‘aceb dermân belürmez Ya bu ne yaradur zahmı belürmez

2Benüm gönlüm ‘aceb ‘ışkdan usanmaz Varur ‘ışka düşer hîç bana tanmaz

3Döner gönlüm bana ögüt virür hoş ‘Âşık olan gönül ‘ışkdan usanmaz

4‘Âşık ki câna kaldı ‘âşık olmaz Cânın terk itmeyen ma'şûkı bulmaz

5‘Işk bâzârıdur bu cânlar satılur Sataram cânumı hîç kimse almaz

6‘Âşık bir kişidür bu dünyâ mâlın Âhiret korkusın bir çöpe saymaz

7Bu dünyâdan ahiretden içerü ‘Âşıkun yiri var kimsene bilmez

8‘Âşık öldi diyü sala virürler Ölen hayvân durur ‘âşıklar ölmez

9‘Âşıklar meydânı ‘Arş'dan yücedür Çalarlar çevgânı topı belürmez

10Begüm ‘ârifisen yüri yolunca Bunda başlar yiter kanlar sorulmaz

11Erenler kapusı Hazret kapusı Bu tapuya gelen mahrûm gönülmez

12Yûnus bu deryâya gark oldı gitdi Girü gelmeklige ‘aklı dirilmez