Yirün gögün safâsı Mustafâ'dur Kamu ‘ahdün vefâsı Mustafâ'dur

1Yirün gögün safâsı Mustafâ'dur Kamu ‘ahdün vefâsı Mustafâ'dur

2Ayun bedr ü hilâl alnı vü kaşı Günün nûrı ziyâsı Mustafâ'dur

3Çalap ‘Arş'ı ayagında olur Ferş Cihânun müntehâsı Mustafâ'dur

4Yarın mahşer Şefî‘ odur Şefî‘ ol Sekiz Uçmak sakâsı Mustafâ'dur

5Bî-çâre ‘âsî kullara yarın ol Şefâ‘at eyleyesi Mustafâ'dur

6Yarın peygamberler ‘âciz olısar Girü elin alası Mustafâ'dur

7Yûnus yalvar getür Hakk'a salâvât Hak'un dostı Habîb'i Mustafâ'dur