tarikat.org1Melek iken hatâ etdim anınçün olmuşam merdûd Bu la‘net ismini çekdim anınçün olmuşam merdûd
2Ne olmuş ne olacağı bilirdim cümle ilm ile Ne fayda kılmadım amel anınçün olmuşam merdûd
3Tekebbürlük enâniyyet ikisi var idi bende Sücûd etmeğe âr etdim anınçün olmuşam merdûd
4Melâik hep sücûd etdi anınçün oldular makbûl Ve hürmetden cüdâ düşdüm anınçün olmuşam merdûd
5İnâdımdan bulup durun ebed dinmez gözümden yaş Hayâsızlık edip durun anın çün olmuşam merdûd
6İşim nâle vü âh etmek cehennemde ebed kaldım Hak’ın emrini terk etdim anınçün olmuşam merdûd
7Ezelki hürmetim fazlım bana bildirmedi cehlim Bu inkârın belâsından anınçün olmuşam merdûd
8Benim benlikdeki fi‘lim cemî‘ dillerde destândır Bana hergiz ilâç yokdur anınçün olmuşam merdûd
9Bu kahrın lutfu hiç yokdur gazabının kemâlidir Dilim varmaz eydem tevhid anınçün olmuşam merdûd
10Bu sözden hiç garazım yok Hak’a ma‘lûm durur fi‘lim Hidâyet yok bana hergiz anınçün olmuşam merdûd
11Günâhımdan birisini işit sana diyem bir kez İlmimde yoğ idi hilmim anın çün olmuşam merdûd
12Bu da‘vâsında fasl olmaz eğer bilmez isen nefsin Cibillî hâletim fehm et anınçün olmuşam merdûd
13Cezâ içün bana Allah sana sırrımı keşf etdi Müsemmâ oldum ismime anınçün olmuşam merdûd
14Yeter söyletdin ey mü’min ferâgat eyle sen benden Dökülmüşdür yüzüm suyu anınçün olmuşam merdûd
15Mükerremsin beni bildin sana hiç gizli yok durur Vehâb Âdem’e âsîyem anınçün olmuşam merdûd