Evvel bu aşkın âletin Zâhid niçün inkâr eder Sırr ile aşkın hâletin Zâhid niçün inkâr eder

1Evvel bu aşkın âletin Zâhid niçün inkâr eder Sırr ile aşkın hâletin Zâhid niçün inkâr eder

2Cânımıza budur vefâ Cümlemize budur safâ Bu sözde hod yokdur hatâ Zâhid niçün inkâr eder

3Bu derd ile yanmışlarız Hak yoluna dönmüşleriz Ölmezden ön ölmüşleriz Zâhid niçün inkâr eder

4Biz yâr ile yâr olmuşuz Ağyâr ile yâd olmuşuz Aşk ile giryân olmuşuz Zâhid niçün inkâr eder

5Habîbu’llâh’ın yârıyız Tâhiriz pâkiz arıyız Ol pâk-i zâtın varıyız Zâhid niçün inkâr eder

6Evvel Hû’dur âhir Hû’dur Âdem’e hod izzet budur Ol âyet-i bürhân budur Zâhid niçün inkâr eder

7Bilsem şu halka neylerin Aşkımla gönlüm eğlerin Tevhîdim üzre söylerin Zâhid niçün inkâr eder

8Bu yolda ben Rahmânîyin Bu tevhîdin kurbânıyın Bu ma‘nânın hayrânıyın Zâhid niçün inkâr eder

9Böyle yaratdı ol Celîl Doğru söze budur delîl “Lâ” demeğe mel‘ûn delîl Zâhid niçün inkâr eder

10Âlim biziz fâzıl biziz Şerî’atde kâmil biziz İrfâna hod ârif biziz Zâhid niçün inkâr eder

11Ma‘nâda ben Vâhibî’yin İlm-i ledün sâhibiyin Dîdâr-ı Hak tâlibiyin Zâhid niçün inkâr eder